ဗျာဒိတ်

သစ်ကောင်းအိမ်

ကျနော်တို့ မျိုးဆက်တုန်းက…ဗျာ
လူရည်ချွန် နို့မှုန့်ဗူးနဲ့ စခဲ့ရတဲ့ ဘ၀တွေပေါ့
ကျနော့် ပါးစပ်က စညှော်တာဗျ
အဲဒီလိုလည်း မဆိုလိုပါဘူး

စကြာဝဠာ ထိပ်မှာ
စကြ်ာတံဆိပ် အလံတော်က
ညှော်တယ်

ခံတွင်းပျက်ရင်း မိုးစင်စင်လင်းခဲ့
ကိုယ်ကျင်း ကိုယ်တူးပြီး
မိုးစုန်းစုန်းချုပ်ခဲ့


ပါရီ မီးလောင်ပြီလား…
မဟာရန်ကုန်မြို့ကြီးကတော့
ရင်ဘတ်ကြယ်သီးတွေ ပြုတ်ထွက်လို့
အခေါင်းထဲမှာ အလောင်းမရှိတော့

ညတာရှည်တယ်
နာတာရှည်တယ်
ကမ္ဘာမကြေသီချင်းကို ဘာသိဘာသာ ဆိုမိတယ်
ရိုးတွင်းချဉ်ဆီထိအောင် လောင်ရဲ့
ဆောင်းကြမ်းမွှန်းတဲ့ဓားချက်တွေအောက်မှာ
အဖေ့လက်နဲ့ မွှေးတဲ့ ဆောင်းမီးပုံလေး
ငါ့ကိုပြန်ပေး..
အမေ့ပုခက်ထဲက သားချော့တေးတွေ
ငါ့ကိုပြန်ပေး..
အဖြူအစိမ်းဝတ်စုံနဲ့
ကမ္ဘောဇ လွယ်အိတ်ကလေးကိုလည်း
ငါ့ကိုပြန်ပေး..

ကဲကွယ်..
ဘာဆိုဘာမှ ပြန်ပေးမနေပါနဲ့တော့
ဟောဟို့ တောင်စွယ်မှာ
တို့အမုန်းနဲ့ နေလုံး လုံးလုံး ကွယ်ရမယ် ။ ။

သစ်ကောင်းအိမ်
(၂၄၊ ၁၂၊ ၂၀၀၆)